Friday, December 21, 2007

ခံစားချက်အပိုင်းအစ


ရင်ဖွင့်ပါရစေ ကျွန်မရဲ့ ဒိုင်ယာရီလေးရေ …….

ဒီနေ့ သူငယ်ချင်းတစ်ယောက်အတွက်နဲ. စိတ်မကောင်းဖြစ်၊ မျက်ရည်ကျရပြန်ပြီ …..
ကျွန်မ ထင်ထားတဲ့၊ ယူဆထားတဲ့ ဘယ်သူ့ကိုမှ မထိခိုက်လောက်ဘူးထင်လို့ လုပ်မိတဲ့ အလုပ်က သူတစ်ပါးကို ထိခိုက်စေတယ်ဆိုတာ သိလိုက်ရလို့ပါ …..ခုတစ်ကြိမ်နဲ့ပါဆိုရင် သူငယ်ချင်း နှစ်ယောက်ရှိသွားပြီ ။ ကျွန်မစိတ်ထဲ တော်တော်ထိခိုက်ပါတယ် …..သူတို့ကိုတောင်းပန်လိုက်ရုံနဲ့ သူတို့တွေ စိတ်ထဲမှာ တကယ်ကျေနပ်သွားကြရဲ့ လား ကျွန်မ မသိနိုင်ပါဘူး …..

ကျွန်မ ကိုယ့်ကိုကိုယ် ပြန်ဆန်းစစ်၊ ဆုံးမနေမိတယ် …. ကျွန်မက သူငယ်ချင်းတွေနဲ့ ပတ်သတ်ရင် တကယ်ကောင်းချင်ခဲ့သူပါ …. ဖြစ်နိုင်ရင် ကျွန်မကြောင့် ဘယ်သူ့ကို မှ စိတ်အနှောက်အယှက်မဖြစ်စေချင်ပါဘူး ။
ငါသာဆိုရင် ဒီလိုမဖြစ်ဘူးလို့ အမြဲတွေးတတ်တဲ. ကျွန်မ ၊ ကျွန်မစိတ်နဲ.နှိုင်းပြီး အရာရာကို ဆုံးဖြတ်လေ့ရှိတယ် ။ လူတစ်ယောက်နဲ့ တစ်ယောက် ခံစားချက်ခြင်း မတူနိုင်တာ ကျွန်မမေ့နေမိတယ် ….
ခုတော့ သူငယ်ချင်းစိတ်ထဲလည်း ကသိကအောင့်ဖြစ် ၊ ကျွန်မလဲ စိတ်ဆင်းရဲရတယ် …..

ကြယ်ပြာ

Tuesday, December 11, 2007

အထီးကျန်ချစ်သူ

နှင်းတွေမှုန်ပြပြကျလို့
ဇာပုဝါ ခြုံထားတဲ့ ချစ်စရာ့ မနက်ခင်းရေ
မင်းရဲ့ အေးချမ်းတဲ့အလှကိုခံစားရင်း
ကော်ဖီအတူတွဲသောက်ဖို့
ငါ့ရဲ့ချစ်သူက ဟိုးအဝေးကြီးမှာ …..

နေခြည်ဖြာလင်းလက်လို့
တောက်ပတဲ့ နေ.လည်ခင်းရေ
မင်းရဲ့ လန်းဆန်းတဲ့အလှကို ခံစားရင်း
တေးသီချင်းတွေ သီကျူးဖို့
ငါ့ရဲ့ချစ်သူက ဟိုးအဝေးကြီးမှာ …..

နေညိုညို ညနေချမ်းမှာ
ရင်ခုန်စရာ အိပ်မက်တွေသီကုံး
ချစ်သူရဲ့ ပုခုံးပေါ်ခေါင်းမှီရင်း
လက်တွဲကာ လမ်းလျှောက်ဖို့
ငါ့ရဲ့ချစ်သူက ဟိုးအဝေးကြီးမှာ …..

ကြယ်ပြာ

Monday, December 10, 2007

အတိတ်သို့တမ်းချင်း

တခါတရံမှာ
ဆုံမှတ်ကို သေချာချိန်ပါလျက်နဲ့
လွဲသွားတတ်တာ
ကိုယ်ကလွှဲလိုက်တာလား၊ အတွက်အချက်မှားသွားတာလား
ဇဝေဇ၀ါရယ်ပါ ….

ဘယ်လိုပဲဖြစ်ဖြစ် အရာတိုင်းက
အချိန်နဲ.အမျှပြောင်းလဲတတ်တယ်ဆိုတာ
လက်ခံလိုက်ချိန်မှာ
ကိုယ့်ရင်ဘတ်ထဲက သံစဉ်တွေကတော့
တိတ်တဆိတ် ငိုချင်းချနေလေရဲ့ …..

မသေချာတဲ့ အချစ်တစ်ခုအတွက်
အသေအချာ ခံစားနေရတာကို
သာတယ် နာတယ် မတွက်မိပေမယ့်
နားစိုက်ထောင်ရင် နှလုံးသားလေးက
“နာကျင်လိုက်တာ” လို့ ခပ်တိုးတိုးငြီးနေတာ ကြားရလိမ့်မယ် ……

ကြယ်ပြာ


Monday, October 15, 2007

ကျွန်မဘလော့လေးရဲ့အစ


အစကတော့ ဘလော့ဖတ်ရတာ ကျွန်မ စိတ်မပါပါဘူး …
ကျွန်မက ဖိုရမ်တွေလောက်ပဲဖတ်တာ ...… ဘလော့တစ်ခု စလုပ်ဖို့ဆိုတာ ဝေလာဝေးပေါ့ …..
ဒါပေမယ့် နောက်တော့ ကျွန်မသူငယ်ချင်းလေးတစ်ယောက်က သူဖတ်လို့ကောင်းတဲ့ ဘလော့လေးတွေ လာလာပြောတယ် … ကျွန်မလဲ ဖတ်လို့အချိန်ရသလောက် လိုက်ဖတ်တာပေါ့ …. ဖတ်ရင်းနဲ. ဘလော့လုပ်ချင်စိတ်လေးတော့ ဖြစ်မိသား …. ဒါပေမယ့်လဲ ကျွန်မက ဇော်ဂျီကို အင်စတောလ်လုပ်ဖို. ပျင်းနေမိတာနဲ.ပဲ မလုပ်ဖြစ်ဘူး ….
ခုတော့ ကျွန်မ ဘလော့စရေးဖို့ စိတ်ပါလာပြီ ……

ကျွန်မ ဖတ်မိသလောက် ဘလော့တွေက ပုံစံအမျိုးမျိုး၊ ရသအမျိုးမျိုးပေါ့ ….
ကျွန်မကတော့ ကျွန်မ ဘလော့ ကို တခါတရံ ဒိုင်ယာရီလေးလို သဘောထားမယ် …
တခါတရံ ကျွန်မရဲ့ ရင်တွင်းဖြစ်ကဗျာလေးတွေတင်မယ် ….
တခါတရံ ကျွန်မခံစားချက်နဲ့ အမြင်တချို့ကို တင်မယ် …..
တခါတရံ ကောင်းနိုးရာရာ သတင်းလေးတွေ တင်ပေးရင် တင်ပေးမိမယ် ….
ကျွန်မဘလော့က အစုံသုပ် ဘလော့လေးတစ်ခု ဖြစ်ကောင်းဖြစ်မယ်ထင်ပါတယ် ……


ကြယ်ပြာ